प्रेमाची गोष्ट!

कुणीतरी आवडणं म्हणजे प्रेम की

कोणाच्या डोळ्यात हरवून जावंसं वाटणं म्हणजे प्रेम?

कोणालातरी सारखं बघत राहावं असं वाटणं म्हणजे प्रेम की 

तिला विसरता न येणं म्हणजे प्रेम?

कोणाची तरी प्रत्येक गोष्ट आवडणं म्हणजे प्रेम की 

आवडी-निवडी जुळवणं हे प्रेम?

कोणी आपल्या स्वप्नात येणं म्हणजे प्रेम की 

कोणाच्या सहवासात स्वप्न जगल्यासारखं वाटणं म्हणजे प्रेम?

कोणावर संपूर्ण विश्वास टाकणं म्हणजे प्रेम की 

त्या विश्वासाला किंचितसाही तडा जाऊ न देणं म्हणजे प्रेम?

कुणावर हक्काने रागावणं म्हणजे प्रेम की 

उगाचंच माफी मागणं म्हणजे प्रेम?