पहिल्या पावसाची झाली बरसात

पहिल्या पावसाची आज

झाली बरसात ।

घेतले चार थेंब मी त्यातून

पसरवून हात ।

गार आकाशातले ते पाणी

थांबेना हातात ।

जो तो होता किती डोलत

झाडही होते हालत ।

माती झाली थोडी ओली

धुंद सारे गंधात ।

गीत पावसाचे होते त्यात

पक्षांचा चिवचिवाट ।

ढोल वाजला आकाशी

ढगांचा गडगडाट ।

मधेच वीज येऊन गेली कशी

तिचाही कडकडाट ।

वाऱ्यालाही होता किती जोर

धावला गारव्यात ।

ढगांनी झाकले सारे आकाश

वाटे झाली ही प्रभात ।