नियती
नियती
1 min
452
तुझे आयुष्यात येणे सुखाची बरसात आहे
त्या भाग्यविधात्याला माझा कुर्निसात आहे।
नियती तू घाल कसेही उखाणे जगण्याचे
सोडवण्याचा माझा हुनर ही विख्यात आहे।
सोबतीला नेहमी हवेच कुणी कशाला
अंधार असला तरीही ही चांदरात आहे।
कबुली प्रेमाची द्यायची नव्हतीच कधी मला
ऐनवेळी डोळयांनी केला विश्वासघात आहे।
उभा दावा आहे ह्या बेमुवर्त नियतीशी
हिंमतीचे कवच मला मिळाले जन्मजात आहे।