माझी होशील का..?

डोळ्यांना लागले तुझ्याच भेटीची आस

खरं खरं सांग पुन्हा येशील का ??

शेवटच्या भेटीनंतर कोरड्या झालेल्या मनाला

पुन्हा एकदा प्रेमाचा ओलावा देशील का ?

तुझ्या सोबतची प्रेमारुपी वात विझून गेली

पुन्हा एकदा प्रेमाची ठिणगी टाकशील का ?

कान आसुसलेत तुझे बोल ऐकण्यासाठी

पुन्हा एकदा ते गोड बोल बोलशील का ?

स्वप्नांमध्ये रोज रोज येतेस अन् त्रास देतेस

पुन्हा एकदा प्रतक्ष्यात समोरी येशील का ?

तुला लिहायला घेतलेली पत्र, अजूनही कोरी पडलीत

पुन्हा एकदा त्यावर दोन शब्द लिहशील का ?

जुने मांडलेले डाव अजूनही अपुर्ण आहेत

पुन्हा एकदा येऊन ते पुर्ण करशील का ?

सामसूम रस्त्यावर एकट्याने चालू किती

पुन्हा एकदा तु सोबत चालण्यास येशील का ?

आणी पुरे झाले आता टोपण नावाने मिरवणे

कायमस्वरूपी उखाण्यातून नाव माझे घेशील का ?? 

-------------------------------

वाट पाहतोय त्या वाटेवर

पुन्हा येशील ना ?

बस झाली हि मर्यादांची जपणूक ,

एकदा मोकळं बोलूंन मार्ग काढशील ना...?

आता तर आठवणी सुद्धा प्रश्न पडलेत 

विश्वासाचा बांध मजबुत करशील ना ?

प्रेमचा मार्ग उत्तम होता,

याची वाट लोकांना दावशील ना...?