**जोगवा दे गआई**
**जोगवा दे गआई**
चोर डाकू नष्ट कर ,लांडी लबाडी दूर कर,
बलात्कारी मंन ठार कर
एवढा जोगवा वाढ ग आई, एवढ्या जोगवा दे ||१||
जोगवा दे ग आई मला जोगवा दे ग आई
भ्रष्टाचार बोकाळला अती, नायनाट कर त्याचा आधी
लाच मागतो जो त्याला कर भिकारी
एवढा जोगवा वाड ग आई , एवढा जोगवा दे ||२||
जोगवा दे ग आई मला, जोगवा दे ग आई
खून करूनी तख्तावर बसती, दम देऊनी खंडणी उकळती,
अबला लुटुनी वर मिरवीती
या साऱ्यांना गाड , मा दुर्गा माई
एवढा जोगवा वाढ ग आई, एवढा जोगवा दे ||३||
जोगवा दे ग आई मला, जोगव दे ग आई
नको नको ते चित्र दावीती, तरुणाईला जे-बिघडविती,
खुंटव त्यांचे विचार आई,
एवढा जोगवा वाढ ग आई, एवढा जोगवा दे ||४||
जोगवा दे ग आई मला,जोगवा दे ग आई
सुना-बाळाना अतीव छळती, हुंडा पैका सतत मागती,
काळी तोंड कर त्यांची वाघ्या बंद कर त्यांची
एवढा जोगवा वाढ ग आई, एवढा जोगवा दे ||५||
जोगवा दे ग आई मला,जोगवा दे ग आई
दुनिया सारी कर शहणी, सुसंस्कृत विचार वाणी
सुख,शांती,समृद्धी देई सर्वांना आई
एवढा जोगवा वाढ ग आई, एवढा जोगवा दे ||६||
जोगवा दे ग आई मला,जोगवा दे ग आई