गुरू ज्ञानाचा सागर

' गुरू ज्ञानाचा सागर '

जडलो जो घडलो मी

झालो कसा हो ज्ञानी ।

गुरुजी तुमचीच कृपा

बनवले मज स्वाभिमानी ।

शब्दांची हो दिली ओळख

झाली मधुर आमची वाणी ।

गुरुजींचाच हात पाठीवर

नव्हते मागे तेव्हा कोणी ।

ज्ञानाचाही तुम्हीच सागर

थेंब थेंब पाजले पाणी ।

आहोत जे आता आम्ही

विसरू कशी ती कहाणी ।

ओढ असायची शाळेची

आठवण तुमची क्षणोक्षणी ।

गृहापाठाची शिक्षा तुमची

अनोख्याच त्या आठवणी ।

गुरू विना तर सारेच व्यर्थ

अज्ञानी तो काय जाणी ।

शतवार मी नमन करतो

आजन्म हो तुमचाच ऋणी ।