आयुष्यातले मोरपीस

आयुष्य खाचखळग्यांनी

भरलेलं असताना

इतरांच्या आयुष्यात

प्रकाश टाकतात

येणाऱ्या अनंत समस्यांना

दोन हात करताना

चिमुकल्या मनात

झुंजण्याची जिद्द

निर्माण करतात

मिळालेल्या अनुभवातून

विद्यार्थ्यांचा

वर्तमान पेरत असतात

 निःस्वार्थ भावनेने

आयुष्य कसं जगायचं

ते नकळत शिकवून जातात

खरंच गुरु काय असतात..?

ज्या व्यक्तीला आपण

गुरुजी शिक्षक गुरु

मास्तर अशा अनेक

नावांनी संबोधत्त असतो

पण गुरु तर ती व्यक्ती आहे

जी आईच्या

स्तरापर्यंत पोहोचलेली असते

खरंच आईसारखं निःस्वार्थ

प्रेम करून अलगद

विद्यार्थ्यांच्या भावनांना

स्पर्श करणारे

मोरपीस असतात

मा स्तर...!