आला श्रावण माझा

सरला आषाढ काल

आज श्रावण आला

ऊन पावसात आज

नभी इंद्रधनू फुलला

हंगाम पेरणीचा झाला

पीक तरारलं भुईवर

थोडी मिळाली उसंत

साजिरं करण्या सणवार

ऊन पावसाचा नभी

चाले नित्य लपंडाव

निळ्याशार कागदावर

इंद्रधनुचा चाले सप्तरंगी डाव

सर्जा राजास माझ्या

बहरे हिरवा शिवार

पीक डोलती शेतात

पाहून डोळ्या सुख अपार

माय म्हणती माझी

आला आला ग श्रावण

जप तप पूजा अर्चा

सार करावं आपण

येईल हंगाम कापणीचा 

थोडी मिळाली उसंत आता

करून पारायण नामजप

जमवू थोडे पुण्य आता