തിരക്കുപിടിച്ച ജീവിതം

രാവിലെ കണ്ണുതുറക്കുമ്പോൾ

ഘടികാരം ഓടിക്കൊണ്ടിരിക്കും,

സ്വപ്നങ്ങളുടെ ചിറകുകൾ പോലും

സമയത്തിന് കീഴടങ്ങിയിരിക്കും.

വഴികളിൽ ആളുകളുടെ തിരക്ക്,

മുഖങ്ങളിൽ ചിരിയുടെ മറവ്,

ഹൃദയത്തിനുള്ളിലെ ക്ഷീണം മാത്രം

നിശ്ശബ്ദമായി നടക്കും മറുവഴി.

ഫോണിന്റെ വെളിച്ചത്തിനുള്ളിൽ

ബന്ധങ്ങൾ മങ്ങിയുപോകും,

അടുത്തിരിപ്പവരുടെ ശബ്ദം പോലും

നോട്ടിഫിക്കേഷനിൽ മറഞ്ഞുപോകും.

ഓടിക്കൊണ്ടേയിരിക്കും മനുഷ്യൻ,

എവിടെയെന്നറിയാതെ ചിലപ്പോൾ,

കൈവിട്ടുപോയ ചെറിയ സന്തോഷങ്ങൾ

പിന്നിലിരുന്നു കൈവീശും നിശ്ബ്ദമായി.

ഒരു മഴത്തുള്ളി വീഴുമ്പോൾ പോലും

നിന്നുനോക്കാൻ സമയം ഇല്ല,

പക്ഷേ രാത്രിയുടെ നിശ്ചലതയിൽ

മനസ്സ് ചോദിക്കും —

“ഇത്ര ഓടിയത് എന്തിനായി?”

                                                            

                                                           muhammed salman kk