പോരാളികൾ

പുതുയുഗപ്പിറവിതൻ പുലരിയെന്നു 

പാരാകെ പാടിയ പുണ്യമിന്ന് 

പറിച്ചു കളഞ്ഞൊരു സ്വാതന്ത്ര്യം 

എറിഞ്ഞു തന്നതിന്നോർമയിന്ന്...

        സഹനസമരപ്പാതയിൽ, വിപ്ലവാത്മക-

        വീഥിയിൽ, ഭാരതാംബതൻ 

        തിലകക്കുറിക്കു മങ്ങൽ 

        ഏൽക്കാതെ കാത്ത പോരാളികൾ!

നമ്മുടെ നാടിൻ സ്വാതന്ത്ര്യം 

നമ്മുടെ കൈകളിലെന്നോതിയവർ 

നമ്മുടെ നാടിൻ വിഭജനവും 

നമ്മളാൽ തന്നെ എന്ന് പണ്ടേയറിഞ്ഞവരവർ...

    സ്മരിച്ചിടേണം ഈ ദീർഘദർശികളെ

   നാടിനായ് നീറി പുകഞ്ഞ നമ്മുടെ സോദരെ

   നാം അന്നും ഇന്നും ഇനി എന്നും...