നീ വന്ന വഴി..

ഹൃദയത്തിൽ നിന്റെ ഓർമ്മകൾ പൂക്കുന്നു!

ഓർമ്മകൾ മെല്ലെ അധരങ്ങളിൽ വന്ന് തൂങ്ങിയാടി..

ഹൃദയം കുളിർത്തു,

ഓർമ്മച്ചീളുകളുടെ നിറകുടം തുളുമ്പി, 

കവിളിലൂടെ ഒലിച്ചിറങ്ങി.. 

മിടിക്കുന്ന ഖൽബിന്നൊരു നീറ്റലിന്റെ സ്വരം. 

ആർത്തിരമ്പുന്ന കടലിനെ പോലെ 

രക്തധമനികളിൽ പോലും ഒരിരമ്പൽ ശബ്ദം!

പക്ഷേ, ഹൃദയത്തിന്റെ ചുവരുകളിൽ 

നിന്നെ ഞാൻ എഴുതിയിട്ടില്ല!

സ്ഫടികത്തുണ്ടെടുത്ത് കോറിയിട്ടിട്ടുമില്ല. 

പിന്നെ, ഞാനുമറിയാത്ത ഏത് ദർവാസയാണെടോ 

നിനക്കു മുമ്പിലായി തുറക്കപ്പെട്ടത്?

                         

_FATHIMA NASLA PT