ತೈಯಂ

ಕಣ್ಣಿಗೆ ಇಂಪು ತಂಪು ತಂಪು ತೈಯ೦ಗಳ ನೃತ್ಯ ವೈಭವ

ತನುಮನದಲ್ಲಿ ಭಕ್ತಿಯ ಮಹಾಪೂರದ ಸಂಭ್ರಮ ಸಂಗಮ

ಧರೆಯು ಆಗಸವು ಒಂದಾದ ಅನುಭವ

ಶರಣು ಶರಣು ನಾ ನಿನ್ನ ಚರಣ ಕಮಲಗಳಿಗೆ ದೇವ

ನಿನ್ನ ಕಣ್ತುಂಬಿಕೊಳ್ಳುವ ಭಕ್ತಿಯ ಸಾಗರವು ಹೃದಯದೊಳಗೆ ತುಂಬಲು

ಸಕಲ ಭಕ್ತರು ನಿನ್ನ ಅಪಾರ ಮಹಿಮೆಯ ಹೊಗಳಲು

ನಿನ್ನ ಮಹಿಮೆಯೇ ಅಪಾರ

ಇದು ನಿನಗಿದು ಮನದಾಳದ ನಮಸ್ಕಾರ

ಹಾಡಲು ಹೊಗಳಲು ಪದಗಳೇ ಸಾಲದು

ನೀ ಭಕ್ತರ ಸಲಹೊ ರೀತಿಯು ಊಹೆಗೂ ನಿಲುಕದು

ತೆಂಗಿನಗರಿಯ ಅಲಂಕಾರ ಮೊಗದಲ್ಲಿ ಬಣ್ಣದ ಚಿತ್ತಾರ

ಕಾಲಿಗೆ ಕಟ್ಟಿದ ಗೆಜ್ಜೆಯ ಜೇಂಕಾರ ನಿನ್ನ ನೋಡುವ ಗಳಿಕೆಯೇ ಸುಮಧುರ

ಚೆಂಡೆ ತಾಳಕ್ಕೆ ನಾಟ್ಯವಾಡುತ ನಮ್ಮ ನಾಟ್ಯ ಪ್ರಪಂಚಕ್ಕೆ ಕೊಂಡೊಯ್ಯುವೆ

ಆವೇಶದ ನಿನ್ನ ಮೊಗವ  ನೋಡುವ ನಾವುಗಳಿಗೆ ಭಯಗೊಳಿಸುವೆ

ಸೌಮ್ಯ ಸ್ವಭಾವದ ಮಾತಿನ ಮೋಡಿಗಾರ

ಈ ಸಮಸ್ತ ಊರಿಗೆ ನೀನು ತಾನೆ ಆಧಾರ