ಸಂಸ್ಕೃತಿ

ಪಾಶ್ಚಿಮಾತ್ಯ ಸಂಸ್ಕೃತಿ ಅನುಸರಿಸುವ ಭರದಲ್ಲಿ

ಭಾರತೀಯ ಸಂಸ್ಕೃತಿಯನು ತೊರೆಯದಿರಿ ಇಲ್ಲಿ

ಸಂಸ್ಕೃತಿಯ ತಾಯಿ ಬೇರು ನಮ್ಮಯ ದೇಶವು

ಸುಸಂಸ್ಕೃತಿಯನು ಬೆಳೆಸುವಲಿ ಮೇಲು ನಾವು

ಪ್ರತಿಯೊಂದು ಆಚರಣೆಗೆ ಅದರದೇ ಮಹತ್ವ

ಆಚರಿಸಿದಾಗಲೇ ತಿಳಿಯುವುದು ಖಚಿತ ತತ್ವ

ರೀತಿ ನೀತಿಗಳಿಗೆ ಅದರದೇ ಚೌಕಟ್ಟಿನ ಮಂತ್ರ

ತಿಳಿದು ಅಸಡ್ಡೆ ಮಾಡಿದರೆ ಜೀವನವೇ ಅತಂತ್ರ

ನಮ್ಮ ದೇಶದ ಹಿರಿಮೆ ನಮಗಿರಲಿ ಎಂದೂ

ತಾಯಿ ನಾಡಿನ ಒಲುಮೆ ಬೆಳೆಯಲಿ ಎಂದೆಂದೂ

ಮಾರು ಹೋಗದಿರಿ ವಿದೇಶಿಯರ ನೋಟಕಿನ್ನು

ಅರಿತು ಬೆಳೆಸುತಿರಿ ನಮ್ಮ ಭವ್ಯ ಸಂಸ್ಕೃತಿಯನ್ನು