ಪ್ರೀತಿ

ಆಗುಂಬೆಯ ತುಂತುರಿನಂತೆ

ನಿರಂತರ ಸಾಗುವ

ನನ್ನ ಕವಿತೆಯ ಸಾಲುಗಳು

ನಿನ್ನ ಮೌನಕ್ಕಿಂತ ಹಿತವಲ್ಲವೇ

ಯಾರಿಗೂ ತಿಳಿಸದೇ

ಮನಸೊಳಗೆ ಬಚ್ಚಿಟ್ಟ 

ನಿನ್ನ ಪ್ರೀತಿಗಿಂತಲೂ

ನನ್ನ ಮಾತುಗಳೇ ನಿಜವಲ್ಲವೇ

ಕ್ಷುಲ್ಲಕ ಕಾರಣ ಹೇಳಿ

ಇಲ್ಲಸಲ್ಲದ ಆರೋಪ ಮಾಡಿ

ಈ ಹೃದಯ ಘಾಸಿಗೊಳಿಸಿದರೂ

ಮರೆಯದ ಈ ಪ್ರೀತಿ ನಿಜವಲ್ಲವೇ

ಸಾವಿರ ಕನಸುಗಳ ಹೊತ್ತ

ಮನಸು ಸಂಚರಿಸುತ್ತಿತ್ತು ನಿನ್ನ ಸುತ್ತ.

ಮರುಕಳಿಸುವ ನೆನಪುಗಳು ಮಾತ್ರ

ನೀ ದೂರ ಮಾಡಿದ ಬದುಕಿನಲ್ಲೀಗ