ನಾವೆಲ್ಲಾ ಒಂದೇ

ಒಂದೇ ಒಂದೇ ನಾವೆಲ್ಲಾ ಒಂದೇ

ಬನ್ನಿ ಬನ್ನಿ ಜೊತೆಯಾಗಿ ಸಾಗುವ ಮುಂದೆ

ಬೇರೆ ಬೇರೆ ಗುಂಪುಗಳಾಗಿ ಬೇಡ

ಮನದ ಕಿಚ್ಚು ನೀ ತೋರಬೇಡ

ಒಗ್ಗಟ್ಟಿನಲ್ಲಿ ಬಲವಿದೆ ನೀ ನೋಡ

ಒಟ್ಟಿಗೆ ಸಾಗುವ ಜೈ ಕಾರ ಹಾಡ

ಕಚ್ಚಾಡಲಿ ಪಕ್ಷ ಪಕ್ಷ ನಾಚಿಕೆ ಬಿಟ್ಟು

ಬಿಟ್ಟುಕೊಡೆವು ನಾವು ದುಷ್ಟರ ಜುಟ್ಟು

ಅಟ್ಟಹಾಸ ಮೆರೆವರ ಅಂತ್ಯ ವಾಗಲಿ

ಮೆಟ್ಟಿ ನಿಲ್ಲುವ ಗಂಡುತನ ಉಳಿಯಲಿ

ಮಾದರಿಯಾಗಲಿ ಮುಂದಿನ ಪೀಳಿಗೆಗೆ

ದುಡಿವ ನಾವು ಕನ್ನಡ ಏಳ್ಗೆಗೆ

ಕೈ ಕೂಡಿಸಿ ಒಂದೇ ಎಂದು ಸಾರುವ

ಬವಣೆಗಳಿಗೆ ಬಗ್ಗದೆ ನಕ್ಕು ನಡೆಯುವ

ಜೈ ಕರ್ನಾಟಕ ಮಾತೆಯೇ ನಮ್ಮನ್ನು ಹರಸಿ ಕಾಪಾಡು ಮಾತೆಯೇ