ಕೃಷ್ಣನ ಮಹಿಮೆ

ಏನ ಬಣ್ಣಿಸಲಿ ಕೃಷ್ಣ ನಿನ್ನ ಮಹಿಮೆಯನು

ಅರಿಯದಾದೆನು ನಿನ್ನ ನಾ ಪಾಮರನು

ಲೋಕದ ಸೃಷ್ಟಿ ಸ್ಥಿತಿ ಲಯಕರ್ತನೂ ನೀನೆ

ಜಗದಾದಿಯೂ ನೀನೆ, ಅನಂತವೂ ನೀನೆ

ಲೋಕದಿ ನೀನಿಲ್ಲದ ತಾಣವ ನಾ ಕಾಣೆನು

ಜಗಕೆ ಪಿತನೂ ನೀನೆ, ಸುತನೂ ನೀನೆ

ಮೂರ್ಜಗದಿ ವಂದ್ಯನೂ ನೀನೆ, ಮಾನ್ಯನೂ ನೀನೆ

ಜಗವ ರಕ್ಷಿಪ ಜಗದೊಡೆಯನೂ ನೀನೆ

ಬೆಣ್ಣೆ ಕದ್ದಾಡಿದ ಮುದ್ದು ಕಂದನೂ ನೀನೆ

ಗೋಪಿಕೆಯರ ಚಿತ್ತಕದ್ದ ಚೋರನೂ ನೀನೆ

ಗೋಗಳ ಕಾದ ಗೋಪಾಲಕನೂ ನೀನೆ

ಮುಪ್ಪಿಡಿ ಅವಲಕಿಗೆ ಅಷ್ಟೈಶ್ವರ್ಯವಿತ್ತವ ನೀನೆ

ಮೂರ್ಹೆಜ್ಜೆ ದಾನಕೆ ಮುಕ್ತಿ ಕರುಣಿಸಿದವ ನೀನೆ

ಗಿರಿಯೆತ್ತಿ ರಕ್ಷಿಸಿದ ಗೋವರ್ಧನನೂ ನೀನೆ.. ||ಏನ ಬಣ್ಣಿಸಲಿ||