ಭರವಸೆ ಇಲ್ಲದ ಬಾಳು
ಭರವಸೆ ಇಲ್ಲದ ಬಾಳು
ಭಾವನೆಗಳು ಬತ್ತಿ ಹೋಗಿವೆ
ಮನಸ್ಸು ಕರಕಲವಾಗಿದೆ ;
ಕನಸುಗಳು ನುಚ್ಚು ನೂರಾಗಿವೆ
ಬದುಕು ಕತ್ತಲಾಗಿದೆ.
ಸತ್ತು ಹೋಗಿವೆ ಮನಸ್ಸುಗಳು
ಸತ್ವವಿಲ್ಲದ ಸಂಬಂಧಗಳು;
ಸ್ವಾರ್ಥದ ಮನೆಯಲ್ಲಿ
ಏಕಾಂಗಿ ಹೋರಾಟವಿಲ್ಲಿ.
ಬೆಳಕಿಲ್ಲದೆ ಬಾಳು ಬರಿದಾಗಿದೆ
ಎನ್ನುಸಿರು ನಿತ್ರಾಣವಾಗಿದೆ;
ಕಾದುಕಾದು ಕನವರಿಸಿದೆ; ನಾನಿಂದು
ಭರವಸೆಯಿಲ್ಲದ ಬಾಳಿನಲ್ಲಿ ನೊಂದು.
ಬಂದೊಮ್ಮೆ ಕೈಹಿಡಿದು ನಡೆಸೆನ್ನ
ಓ ಕರುಣಾಳು ದೇವನೇ;
ನೀನೆ ನನಗೆಲ್ಲ ನಿನ್ನಿಂದಲೇ ಗೆಲ್ಲುವೆ ಜಗವೆಲ್ಲ;
ದೂಡಬೇಡ ನನ್ನ ಬಾಳು ಕತ್ತಲಲ್ಲೇ.
ಸ್ವಾರ್ಥ ಎಲ್ಲೆಡೆ ಜಗಮಗಿಸಿ ನಗುತಿದೆ.
ಸಾಧನೆಯ ದಾರಿ ಕಾಣದಾಗಿದೆ;
ಬಾ ಬಾ ಬಾನಂಗಳದಿ ಇಳಿದು ಬಾ
ಓ ನನ್ನ ಬೆಳಕೆ ಬಾಳು ಬೆಳಗುವ ಬಾ