Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Meerabai Sant

Classics

0  

Meerabai Sant

Classics

ઓ રાણા ! જીવનો સંગાથી

ઓ રાણા ! જીવનો સંગાથી

2 mins
238


ઓ રાણા ! જીવનો સંગાથી હરિ વિણ કોઈ નથી…

મારે પ્રભુ ભજવાની હામ રે, મારે હરિ ભજવાને હામ રે, જીવનો૦

ઓ રાણા ! એક રે ગાયને દો દો વાછડાં,

તોય એના જુદારે જુદા લેખ

એક રે બન્યો શિવજીનો પોઠિયો,

બીજો ફરે ઘાંચીડાને ઘેર… જીવનો૦

ઓ રાણા ! એક રે માટીનાં દો દો માટલાં,

તોય એના જુદારે જુદા લેખ

એક ને માટાલું જસોદા માતનું,

બીજું દીસે કલાલને ઘેર... જીવનો૦

ઓ રાણા! એક રે વેલાને બે બે તુંબડાં,

તોય એના જુદા રે જુદા લેખ;

એક રે તુંબડું સાધુના હાથમાં,

બીજું રાવળિયાને ઘેર... જીવનો૦

ઓ રાણા ! એક રે માતાના દો દો બેટડા,

લખ્યા એના જુદા રે જુદા લેખ,

એક રે બેટડો ચોરાશી ધૂણી તપે,

બીજો ઘૂમે લખચોરાશી ફેરા માંહ્ય… જીવનો૦

ઓ રાણા ! એક રે વાંસની દો દો વાંસળી,

તોય એના જુદા જુદા લેખ;

એક રે વાંસળી કાનકુંવરની,

બીજી વાગે વાદીડાને રે ઘેર… જીવનો૦

ઓ રાણા ! ગુરુને પ્રતાપે મીરાં બોલિયાં,

દેજો અમને સંતોના ચરણોમાં વાસ. જીવનો૦


Rate this content
Log in