મા

મમતાની મૂરત છે મા, તો સુંદરતાની સૂરત છે મા...

ખોળાને ખૂંદવા છે મા, ને દર્દની દવા યે છે મા...

દયાની દાતાર છે મા, તો દુઆ દેનાર ય છે મા...

વાત્સલ્યનું વમળ છે મા, ને ચિંતાની ચિતા છે મા...

કર્મનું કારણ છે મા, તો ધર્મની ધારયિતી છે મા...

તપને તપનાર છે મા, ને વળી સાધનાને સાધનાર છે મા...

અમૃતની આપનાર છે મા, તો અંધકારનો અજવાસ છે મા...

સ્વર્ગની સુવાસ છે મા, ને ત્યાગનું તર્પણ છે મા...

દીકરાની દોસ્ત છે મા, ને દીકરીના દિલનો દીવો ય છે મા...

સુખનો સરવાળો છે મા, ને ગરિમાને ગુણનો ગુણાકાર છે મા...

ભયનો ભાગાકાર છે મા, તો બરબાદીની બાદબાકી છે મા...

આખરે તો જગતની જરૂરિયાત છે મા...!