હું કોને કોને યાદ કરું ?

મોગલો હાવી થયાં આ દેશને ધર્મ પર એ જોઈને હું બળી બળી ને મરું,

છત્રપતિ, રાણા પ્રતાપ, પૃથ્વીરાજ ચૌહાણને જન્મ દેનાર એ જનેતા ને લાખ લાખ વંદન કરું.

હું કોને કોને યાદ કરું ?

દેશનાં લોકો પર થતા વિદેશી હકુમતનાં અત્યાચારની ફરિયાદ કોને કરું?

ભગતસિંહ, સુખદેવ, ચંદ્રશેખર આઝાદને જન્મ દેનાર એ દેવીઓને દંડવ્રત પ્રણામ કરું.

હું કોને કોને યાદ કરું?

ચંદ્ર, મંગળ પર દુનિયા પહોંચી, આવી વાતો રોજ લોકમુખેથી સાંભળું

કલ્પના ચાવલા, વિક્રમ સારાભાઈ, અબ્દુલ કલામને જન્મ દેનાર એ જનનીઓને કેટકેટલા વખાણ હું કરું ?

હું કોને કોને યાદ કરું ?

અહિંસાવાદી, સત્યવાદી મારા દેશનાં એ અનમોલ રતનને યાદ કરી મારી છાતી ગર્વથી છપ્પનની કરું,

મહાત્મા ગાંધીને જન્મ દેનાર એ જગતજનની ને દેશવતી કોટી કોટી એના ચરણોમાં વંદન કરું.

હું કોને કોને યાદ કરું ?

આ દેશની ધરા પર સંત, સુરવીર, દાતાર માતૃભોમ માટે બલિદાન દેનાર એ તમામ અનમોલ રતનોને,

જન્મ દેનારી એ સિંહણો ને યુગો યુગો હું સલામ ભરું, યુગો યુગો હું સલામ ભરું.

હું કોને કોને યાદ કરું ?