હું આવું કે ના આવું,

હું આવું કે ના આવું,

તમે તમારો ખ્યાલ રાખજો.

આ બહુરંગી જિંદગીની ઘટમાળમાં,

જીવન ગોતે ણ ચડે ખ્યાલ રાખજો.

આ કાગળના પૈસાની આંધળી દોટમાં,

કોઈ ગરીબની હાય ન ચડે ખ્યાલ રાખજો.

ફૂલોથી ભરેલા ઉપવનને પામવામાં,

પોતાનું ફૂલ ના મુરઝાય ખ્યાલ રાખજો.

જગતમાં પ્રેમ બધે જ મળશે,

માની મમતા ના જાય ખ્યાલ રાખજો.

આ જીવન સાગરમાં મોતી ગોતતા,

જીવન જળમાં ન જાય ખ્યાલ રાખજો.

ઝુંપડા તોડી મહેલ બાંધવામાં,

સુખ ક્યારેય નહિ મળે ખ્યાલ રાખજો.

મળે છે સુખ ઘણું જગતમાં,

પણ સાચી શાંતિ ક્યાં ? ખ્યાલ રાખજો.

મળશે દોલત લાખો જગતમાં,

મા-બાપ પાછા નહિ મળે ખ્યાલ રાખજો.

અહીનું કરેલું અહિયા જ નડશે,

એટલું બધાય ખ્યાલ રાખજો.

મળે છે મોકો સપના પુરા કરવાનો,

કોઈના સપના ન તૂટે ખ્યાલ રાખજો.

હું આવું કે ન આવું,

તમે તમારો ખ્યાલ રાખજો.