દાદા ની વાત

હાથ ડંગોરો, આંખે ચશ્માં, ને પાટીની એક ખાટ.....

બારી પાસે બેસે આ એજ મારા દાદ,

ખિસ્સામાં હોય એક લખોટી, ને પીપર ખાટીમીઠી.....

લલચાવે સૌને કાજ આ એજ મારા દાદ,

રાત પડે એટલે થઈ ગ્યું સૌનું ટાણું.....

વાર્તા રે વાર્તા કહેવાનું દરરોજ નું બંધાણુ,

ટીનુ, મીનું, સાનુ, લાલુ, ને બબલુ તો બારેમાસ.....

યાદ આવે એ નામ થી કરતા અમને સાદ,

ચાંદ, સુરજ ને તારા, એ સૌ સહેલાણી આવે ને જાય......

વાત કરે એ ઢંગથી જાણે ત્યાં જ પહોંચી જવાય,

જંગલ, પર્વત, પાણી, સઘળાં એ પશુ-પક્ષી ને ક્યારેક હું.....

ચણી લે અમનેય વાતમાં એ મીઠા છળ થી,

સઘળુંયે લાગતું સાચ્ચું અમને, ભૂત-પલીત ને જાદુ.....

ખાનગી રાખે એ વાત કે અંત માં શું થાતું,

હસતાં રમતાં વાતો કરતા સમજાવે સઘળો સાર......

શિખામણ મારી આ તું વાળજે એની ગાંઠ,

ડરપોક જો કોઈ ભોલ્યો થાય વચે જો તરસ્યો.....

કરે વાત એવી કે બની જાય એ તો બળવો,

પછી રાતની રાણી આવે ને નિંદ્રા લાવે તાણી .......

અધખુલ્લી આંખોમાં સપનાઓને આંજી,

સમજુ દાદા કળી લે આ ને કહી આમ કરતા વાત ને પુરી....

‘મારી વાત મોટી ને ગોખલામાં ગોટી’.