ચાલ જીવી લઈએ

ચાલ જીવી લઈએ 

ચાલ આજ જીવી લઈએ !

ગરજે છે અષાઢના વાદળ

ઝરમર વરસતા વરસાદમાં 

ચાલ આજ પલળી લઈએ,

કાગળની હોડી લઈ થોડું રમી લઈએ,

ચાલ આજ જીવી લઈએ !

સાદ સે છે વનમાં ગાતી કોયલ,

એના ટહુકાની મીઠાશમાં તરબોળ થઈ જઈએ,

વડલાની ડાળે થોડું ઝૂલી લઈએ,

ચાલ આજ જીવી લઈએ !

વસંતના વાતા વાયરા, 

કરે છે હૃદય પર છાંટા, 

એકમેકના મનને આજ ગુલાલથી રંગી લઈએ, 

ચાલ આજ જીવી લઈએ !

ગણિતના સરવાળા લાગે સહેલા,

પલાખાં લાગે મને બહુ અઘરા,

સંબંધોના ગુણાકાર કરી લઈએ,

ચાલ આજ જીવી લઈએ !

કોણે કહ્યું પ્રણયમાત્ર યુવાનો કરે છે ! 

એકમેકને આજ વેલેન્ટાઈન કહી દઈએ,

થનગનતા આ હૈયાને સ્પંદનોથી ભરી દઈએ,

ચાલ આજ થોડું તો જીવી લઈએ !