અમે પકડી આંબલિયાની ડાળ રે

બાઈ, અમે પકડી આંબલિયાની ડાળ રે,

જંગલ માંહી એકલી હોજી—

ઓતરને દખણથી ચડી એક વાદળી રે

વરસ્યા બારે મેઘ રે

બીજાને મારે આખડી હો જી.

નદી રે કિનારે બેઠો એક બગલો રે,

હંસલો જાણી કીધી પ્રીત રે,

મુંઢામાં લીધી માછલી હો જી—

ફૂલનો પછેડો ઓઢું પ્રેમ ઘાટડી રે,

બાઈ, મારો શામળિયો ભરથાર રે,

બીજાને મારી ચૂંદડી હો જી.

બાઈ મીરાંકહે પ્રભુ ગિરિધરના ગુણ,

બાઈ, મારો પિયુડો પરદેશ રે,

ફરુકે મારી આંખડી હો જી.