తెలుసటలే

కలలు ఎలా అల్లాలో..వాలుజడకు తెలుసటలే !

 కథలు ఎలా చెప్పాలో..కాటుకలకు తెలుసటలే.!

చిరునవ్వుల చిరునామా దాచుకున్న మోవి ఏది..!?

సిగ్గులెలా పూయాలో చెక్కిళ్ళకు తెలుసటలే..!

కడలి గొంతు వినిపించే చెలియ విరహ మెంతటిదో..!?

వ్యథలు ఎలా మ్రింగాలో ఎద లయలకు తెలుసటలే..! 

ఏకాంతపు గగనసీమ ఏమనునో ఓ చెలియా..!?

మరులు ఎలా రువ్వాలో వలపులతకు తెలుసటలే..!

మెరుపుతోట మౌనాలకు స్వరములనే కూర్చేవా..!?

సిరులు ఎలా పంచాలో..చెలిమికళకు తెలుసటలే..!