నీ ఆలోచనలతో
నీ ఆలోచనలతో
ఆగిపోదు సాగిపోదు..నినుగూర్చిన ఆలోచన..!
ఉండనీదు కదలనీదు..చుట్టేసిన ఆలోచన..!
చెప్పలేను ఒక్కమాట..ఎంతవింత అలజడోయి..
ఊరుకోదు మరివీడదు..పట్టేసిన ఆలోచన..!
నవసరిగమ స్వరాలేవొ..పొంగేనా ఎదలోయల..
కవ్వించదు ఊరించదు..చిగురించిన ఆలోచన..!
మనిషివిలువ తెలిసిందా..నిదానమే జాలువారు..
ఎదిరించదు బెదిరించదు..వికసించిన ఆలోచన..!
ఎవరికెవరు తోడంటే..వివేకమే ఓ నేస్తం..
వాదించు వేదించదు..ఒకపండిన ఆలోచన..!
సమరవాంఛ కన్న అసలు..అవివేకం లేదంటా..
సాధించదు బంధించదు..ఒకనవ్విన ఆలోచన..!