హృదయ విహారి

ఆట వెలది

పలకరింపు తోనె పులకరించె మనసు

యెదను రగులుతున్న రొదలు దెలిసె

ఎడద లోతు లోన యెడబాటు నోర్చినా

లోటు వెక్కి రించె పోటు వోలె

ఆట వెలది

తరిగి పోని ప్రేమ దైవ ప్రేరణ యగు

ఒకరి కోస మొకరు వొదిగి వుంటు

మదిని దాచు కొన్న మమతాను రాగాలు

కలుసు కొన్న క్షణము కలత దీరు

ఆట వెలది

హృదయ సీమ లోన మదనుని శరమోలె

చెరిగి పోని రూపు చిత్ర మాయె

తన వొడి శయ నించు తరుణంబు యెన్నడో..!

తను వణువణు వంత తమక మాయె..!

ఆట వెలది

గడియు రోజు లన్ని గహన సదృశ్యంబు

వేరు వేరు గున్న వెతలు బెరుగు

కలసి పోవు దినము కమనీయ కలబోత

ఆంక్ష లన్ని బోయి కాంక్ష దీరు...

... సిరి ✍️❤️