Quotes New

Audio

Forum

Read

Contests

Language


Write

Sign in
Wohoo!,
Dear user,
ରଫୁ
ରଫୁ
★★★★★

© Jayaprakash Choudhury

Inspirational

2 Minutes   4.3K    14


Content Ranking

ବବୁଲୁ ସେଦିନ , ମାଆ " ଦେଇଥିବା କପଡା ଓ ନିଜର ପ୍ୟାଣ୍ଟ ସାର୍ଟ ଇସ୍ତ୍ରୀ କରି ସାରି ଆଲମିରାରେ ରଖିବା ବେଳେ ମା’କୁ ଡାକି ଆଲମିରାରେ ଥିବା ନିଜ ବ୍ୟାଗରୁ ୨୦୦୦ ଟଙ୍କା ବାହାର କରି ମା’କୁ ଧରାଇଦେଲା ଓ କହିଲା ମା ' ମୋର ଏବେ ପ୍ୟାଣ୍ଟ ,ସାର୍ଟ ,ଜୋତା କିଛି ଦରକାର ନାହିଁ । ତୁମେ ଏ ଟଙ୍କା ବାପାଙ୍କୁ ଦେଇଦିଅ । ଏତକ କହି ସେ ଆରପଟ କୋଠରୀକୁ ଚାଲିଗଲା । ମା’ ଟଙ୍କା ତକ ହାତରେ ଧରି ଆଶ୍ଚର୍ଯ୍ୟ ହୋଇ ଭାବୁଥିଲେ । ଯେଉଁ ପିଲା +2 ବିଜ୍ଞାନରେ 90% ନମ୍ବର ରଖିଲେ ନୂଆ ପ୍ୟାଣ୍ଟ ସାର୍ଟ ସହିତ ଜୋତା ଓ ଘଣ୍ଟା କିଣିବ ବୋଲି ସର୍ତ୍ତ ରଖିଥଲା ଏବଂ ପରୀକ୍ଷା ଫଳ ବାହାରିବା ପରେ ,ତା ବାପା ୨୦୦୦ ଟଙ୍କା ଦେଇଥିଲେ ବୋଲି ରୂଷିକରି ପୂରା ଗୋଟିଏ ଦିନ ଉପବାସ ରହିଥିଲା ସେ ଆଜି ୨୦୦୦ ଟଙ୍କା ଫରେଇ ଦେଲା କାହିଁକି ? ଏ ପ୍ରଶ୍ନ ତାଙ୍କ ମନକୁ ଆନ୍ଦୋଳିତ କରୁଥିଲା ,ସେ କିଛି ବୁଝିବା ପୂର୍ବରୁ ,ପୁଣି ବବୁଲୁ କିଛି ଇସ୍ତ୍ରୀ କରାଯାଇଥିବା କପଡା ଧରି ଆଲମିରା ପାଖକୁ ଆସିଲା ,ମା’ ତାକୁ ପଚାରିଲେ କଣ ହେଲା ଧନ ! ,ଟଙ୍କା ତକ କାହିଁକି ଫରେଇ ଦେଲୁ ?  ,କଣ ଟଙ୍କା କମ ପଡିଗଲା ?? ତୁ ପରା ଆଜି ସନ୍ଧ୍ୟାରେ ସଫିଙ୍ଗ କରିବାକୁ ଯିବାକଥା ,ବବୁଲୁ କିଛି ନକହି ଛଳ ଛଳ ଆଖିରେ ବାପାଙ୍କର ଅଫିସ ପିନ୍ଧା ସାର୍ଟ ଆଲମିରାରୁ କାଢ଼ି ଦେଖେଇଲା ,ଯେଉଁ ସାର୍ଟକୁ ସେ ଏବେ ଏବେ ଇସ୍ତ୍ରୀ କରିଥିଲା ,ମା’ ଦେଖିଲେ ଯେ ସେ ସାର୍ଟରେ ଦୁଇ ଜାଗା ରଫୁ କରାଯାଇଥିଲା ଓ କଲର ପାଖରେ ଚିରି ମଧ୍ୟ ଯାଇଥିଲା ,ତାପରେ କିଛି ନ କହି ବବୁଲୁ ପଦାକୁ ବାହାରିଗଲା ।

ମା 'ତାର ଯିବା ବାଟକୁ ଚାହିଁ ରହି ଚିନ୍ତା କରୁଥିଲେ ଯେ ସେମାନଙ୍କର କଷ୍ଟ ଆଜି ସାର୍ଥକ ହୋଇଛି ,ତାଙ୍କ ପୁଅ ଆଜି ଜଣେ ବିବେକୀ ମଣିଷଟିଏ ହୋଇପାରିଛି ,ଏହି କଥା ଭାବୁ ଭାବୁ ଲୁହ ଦୁଇ ଟୋପା ଆଖିରୁ ଗଡିଆସି ହାତରେ ଧରିଥିବା ଟଙ୍କା ଉପରେ ପଡିଲା ।

ବବୁଲୁ ମାଆ ପ୍ୟାଣ୍ଟ

Rate the content


Originality
Flow
Language
Cover design

Comments

Post

Some text some message..