ତୂର୍ଯ୍ୟନାଦ ******** ନାରୀ ଟିଏ
ତୂର୍ଯ୍ୟନାଦ ******** ନାରୀ ଟିଏ
ନାରୀ ଟିଏ
କେଡେ ହୀନିମାନ
କାହା ଇଚ୍ଛା ର ସାମଗ୍ରୀ ସେ ,
କାହା ପାଇଁ ମୂଲ୍ୟ ହୀନ
ବାଆ-ଵତାସ ରେ ଉଡୁଥିବା
ଶୁଖିଲା ପତ୍ର ର ଜୀବନ --
କେଉଁ ଆଦି କାଳ ରୁ ଆଜି ଯାଏ ,
ଶୁଭେ ଖାଲି ନାରୀ ଟି ର
ଅବ୍ୟକ୍ତ ଯନ୍ତ୍ରଣା ର କରୁଣ ସ୍ୱନ
ନାରୀ ପାଇଁ କେଵେ କିଏ
ତୋଳି ଥିଲା କି
ପ୍ରତିଵାଦ ର ସ୍ୱର ଟିଏ
ନାରୀ ଟିକୁ ସମ୍ମାନ ଓ ସ୍ୱ।ଧୀନତା ଦେବାକୁ
ରଚିଥିଲା କି ତାଣ୍ଡବ
ନା
କେଵଳ ଥିଲା ,
ଅହଲ୍ୟା ପାଇଁ ପଦ ରେଣୁ ର ମହାର୍ଘ୍ୟ,
ଅସହାୟ ଦ୍ରୌପଦୀ ପାଇଁ
ଅନ୍ତରାଳୁ ବସ୍ତ୍ର ଦାନେ ବ୍ୟାପ୍ତତ
କୃଷ୍ଣ ସଖା ,
ଅନ୍ତସ୍ୱତ୍ତା -ପରିତ୍ୟକ୍ତା
ସୀତା ପାଇଁ
ଵାଲ୍ମିକୀ ଆଶ୍ରମ ଟିଏ ଥିଲା
ଅଶ୍ଳୀଳ ଇଙ୍ଗିତେ
ନାରୀ ଟିଏ ଆଜି
ମଥା ନତ କରି ଚାଲେ ସଭ୍ୟ ସମାଜ ରେ ,
କେବେ ଧର୍ଷିତା , ଲାଞ୍ଛିତା ହୋଇ
ଆତ୍ମହତ୍ୟା କରେ ,
କୁସୁମ -କୋମଳ ତନୁ ଯା'ର
କେବେ ହୁଏ ହତ୍ୟା ର ଶୀକାର
ଜାୟା , ଜନନୀ , ଭଗିନୀ , କନ୍ୟା ର
ମଧୁମୟ ରୂପ ଟିଏ ,
ଅବାରିତ ସେନେହ ର
ସ୍ୱଚ୍ଛ -ସଲୀଳା -ଧାରା ଟିଏ ,
ଵାନ୍ଧବୀ , ପ୍ରେମିକା ର
ମୁଗ୍ଧ ଅନୁଭବ ଟିଏ ,
ଚିହ୍ନ ବିଛିନ୍ମ ହୁଏ
ପଶୁ ଖୁର ଘାତେ
ଆସିବକି କେବେ ପୁଣି
ନୂତନ ସୂର୍ଯୋଦୟ ଟିଏ ,
ଆଦ୍ୟାଶକ୍ତି , କାତ୍ୟାୟନୀ
ମହିଷାସୁର -ରକ୍ତ ବୀର୍ଯ୍ୟ -
ଶୁମ୍ଭ -ନିଶୁମ୍ଭ ନାଶିନୀ -ମାୟେ
ଦୁଷ୍ଟ ନିବାରି --ଉଶ୍ୱ।ସନ୍ତେ ମହୀ ,
ତ୍ରିଶୁଳ ହସ୍ତେ ଧରି
ନାରୀ ସ୍ୱ।ଧୀନତା ର ବିଜୟ --ଶଙ୍ଖନାଦ
ଗୁଞ୍ଜି ଉଠନ୍ତା ଦିଗ୍ ଵଳୟ ଧାରେ
ନାରୀତ୍ୱ ଆଉ ଚାପି ରହନ୍ତା ନି ,
ପୌରୁଷତ୍ୱ ର ବୃଥା ଅହମିକା ତଳେ ,
ଉଦ୍ ଭାସିତ ହୁଅନ୍ତା ,
ନୂତନ ସୂର୍ଯ୍ୟୋଦୟ ଟିଏ