ପଙ୍ଖା
ପଙ୍ଖା
ତପନ କୁମାର ସ୍ୱାଇଁ
ଭଳିକି ଭଳି ରୂପ ମୋଅର
ଭଳିକି ଭଳି ଅଙ୍ଗ ,
ଯାହାର ମନ ଯେମିତି ସିଏ
ବାଛି ନିଅଇ ରଙ୍ଗ । ।
ଜାଲ ପରି ମୋ ଦେହଟା ସାରା
ଛନ୍ଦା ହୋଇଛି ତାର ,
ବିଜୁଳି ମୋତେ ଦେଉଛି ବଳ
ଘୁରୁଛି ନିରନ୍ତର । ।
ମୋ ପାଇଁ ସିନା ଘର ଉତ୍ତାପ
ଶୀତଳ ଟିକେ ରହେ ,
ଘର ଭିତର ସବୁ ମଣିଷ
ସୁଖରେ ଟିକେ ଶୁଏ । ।
ମୋତେ ଯିଏ ସେ ଗଢ଼ିଛି ଏତେ
ଖଟାଇ ତା’ର ମତି ,
କୋଟି ପ୍ରଣାମ କରୁଛି ତାଙ୍କୁ
ରହୁ ତାଙ୍କରି ସ୍ମୃତି । ।
ଅଟଇ ମୁହିଁ ଯନ୍ତ୍ର ଚାଳିତ
ନାହିଁ ତ ମୋର ପ୍ରାଣ ,
ହେଲେ ସଭିଁଙ୍କ ସେବାରେ ଥାଏ
ନାଆଁଟି ପଙ୍ଖା ଜାଣ । ।