ଦୁଃଖ ଧରିଛି ଜାବୁଡି
ଦୁଃଖ ଧରିଛି ଜାବୁଡି
ମାଟି ମାଆର ଦାୟାଦ ସିଏ
ଦୁଃଖ ଧରିଛି ଜାବୁଡି l.... O
ଭୁଲି ଯାଇଛି ଘର ଜଞ୍ଜାଳ
ଜୀବନ ସହ ଖେଳିଛି ଖେଳ
ବଣ ପାହାଡ଼ କଣ୍ଟା ଓ ଲଟା
କମାଣ ସଦା କହୁଛି କଥା
ଜନମ ମାଟି ସୁରକ୍ଷା ପାଇଁ
ନିଜକୁ ରଖେ ସଜାଡି... 1
କାନ୍ଧରେ ସଦା ବନ୍ଧୁକ ରଖି
ଶତୃ କୁ ଦେଖୁଥାଏ ନିରେଖି
ମାୟା ମମତା ଯାଇଛି ହୁଡ଼ି
ଜୀବନ ଯାଉ ପିଞ୍ଜରା ଛାଡି
ସହିଦ୍ ହେବ ମାଟି ମା ପାଇଁ
ମାଆର କୋଳ ଜାବୁଡି.. 2
ମନେ ପଡିଲେ ସଂସାର କଥା
ଗାଉଛି ମାଟି ମାଆ ର ଗାଥା
ସଂସାର ମୋହ ଦିଏ ପାଶୋରି
ଝରାଇ ନେତୃ ଲୋତକ ବାରି
କର୍ତ୍ତବ୍ୟ ପଥେ ଆଗେଇ ଚାଲେ
ମୋହ ମାୟା କୁ ପାଶୋରି.... 3
ଜନ୍ମିଛି ତାର ଏନ୍ତୁଡିଶାଳ
ବୁଲିଛି କେତେ ତା ତୋଟା ମାଳ
ସହିଛି ବହୁ ଅଳି ଅର୍ଦ୍ଦଳି
ଥରୁ ଟେ କେବେ ଦେଇନି ଗାଳି
ମାଆ ର ପାଇଁ ଯେତେକ ଦୁଃଖ
ଛାତିରେ ଧରେ ଜାବୁଡ଼ି... 4,
ଦୂରରୁ ଶୁଣି ଗୃହ ବାରତା
ଚାପି ଧରଇ ମୋହ ର ବ୍ୟଥା
ଅତୀତ କଥା ବସଇ ଭାବି
ମାନସେ ମନ ମାନସୀ ଛବି
ପାଣି ଫୋଟକା ଜୀବନ ନେଇ
ଠାକୁରେ କରେ ଗୁହାରି.... 5
ଗୋଟିଏ କଥା ଜାଣିଛି ସିଏ
ମାଟି ମାଆର ଦାୟାଦ ସିଏ
ମାଆ ର ମୁଖେ ଫୁଟାଇ ହସ
ଛାଡ଼ିବ ଦିନେ ଶେଷ ନିଶ୍ଵାସ
ତାହାର କୋଳେ ବିଲୀନ ହେବ
ମାଟିକୁ ଦାନ୍ତେ କାମୁଡି.... 6
ମାଟି ମାଆର ଦାୟାଦ ସିଏ
ଦୁଃଖ ଧରିଛି ଜାବୁଡି........