ତୁମରି ପ୍ରେମର ପ୍ରେମିକା ମୁଁ

ତୁମରି ପ୍ରେମରେ ପ୍ରେମିକା ସାଜି

ଚିରଦିନ ସାଥୀହେବି

ସୁଖଦୁଃଖର ସଂସାର ମଧ୍ୟରେ

ତୁମ ପାଖେ ସଦାଥିବି l

ତୁମରି ନାମରେ ହାତରେ ଶଙ୍ଖା

କପାଳେ ଥିବ ସିନ୍ଦୁର

ରାଧା କୃଷ୍ଣ ପରି ଗଢ଼ା ହେବ ଆମ

ପ୍ରେମର ପରିବାର l

ନଥିବ ଛଳନା ନଥିବ କପଟ

ପ୍ରେମ ରେ ଗଢିବା ଘର

ପ୍ରେମ ଘରଟିରେ ଭରି ରହିଥିବ

ଦୟା କ୍ଷମାର ପ୍ରାଚୀର

ସକାଳେ ସଞ୍ଜରେ ଆମ ପୂଜା ଘରେ

ଘିଅ ଦୀପକୁ ଜାଳିବି

ଅଖଣ୍ଡ ସୌଭାଗ୍ୟବତୀ କରିଦିଅ ବୋଲି

ପ୍ରଭୁ ପାଦେ ମାଗିବି l