ଅଲେଖ ଶରଣମ

  ହୀରାକୁଦ, ସମ୍ବଲପୁର 

ଅଲେଖ ଅରୂପ ଶୂନ୍ୟ ନିତ୍ୟ ଶୁଦ୍ଧ

   ଆହେ ପ୍ରଭୁ ନିରଞ୍ଜନ

ଅଣାକାର ରୂପୀ ନିରାକାର ପ୍ରଭୁ

   ପରମାତ୍ମା ହେ ନିର୍ଗୁଣ l

ମହିମା ଗୋସାଇଁ ଗୁରୁ ବ୍ରହ୍ମ ତୁମେ

    ତୁମ ମହିମା ଅପାର

ଆହେ ପରଂବ୍ରହ୍ମ  ଶୁଦ୍ଧ ସନାତନ

    ତୁମ ସ୍ୱୟଂ ଅଣାକାର l

ଅନନ୍ତ କୋଟିର ବ୍ରହ୍ମlଣ୍ଡ ନାୟକ

    ଶ୍ରୀ ଭଗବତ ପୁରୁଷ

ବିଶ୍ୱ ଶାନ୍ତି ପାଇଁ କରୁଣାର ବାରି

    ଦିଅ ପରମ ପିୟୁଷ l

ଦୁଖୀ ଦୁଃଖ ନାଶ ନବଘନ ଶ୍ୟାମ

    ଶୁଭ୍ର ରୂପୀ ବ୍ରହ୍ମ ଜ୍ୟୋତି

ପ୍ରେମ ଭାବ ବହି ବିଶ୍ୱ ପାପ ନାଶ

     ତ୍ରିପୁର ଜଗତ ପତି l

ଅଲେଖ ଅନନ୍ତ ନିଷ୍କାମ ଦେବତା

    ସ୍ୱର୍ଗ ଦେବେ ଅଗୋଚର

ଭୟାବହ ବ୍ୟାଧି  ଦହନ କରୁଛି

    ଜଗତ କର ଉଦ୍ଧାର l

ପଦ୍ମ ପତ୍ର ଜଳ  ଯେପରି ତରଳ

   ଟଳ ମଳ ହେଉଥାଏ

ମାନବ ଜୀବନ କ୍ଷଣେ ଲବେ ଲେଶେ

   ସଜ୍ଜନଙ୍କ ସଙ୍ଗୀ ହୁଏ l

ଶରଣ ଶରଣ  ଅଲେଖ ଶରଣ

   ବିଭୁ ସତ୍ୟ ସାନାତନ

ଭକ୍ତି ଭାବ ବହି  ଏ ଦୁଃଖୀ ହୃଦୟେ

   ଦୟା କର ଭଗବାନ l