ଟିକି ଚଡ଼େଇ

ଟିକି ଚଡ଼େଇ ରେ ଟିକିଚଡ଼େଇ

ଉଡିଯାଉ ଛୋଟ ଡେଣା ମେଲେଇ

ମନହୁଏ ତତେ ଦେଖି,

ଖୋଲାଆକାଶରେ ତୋପରି ଉଡନ୍ତି

ସରାଗରେ ଶିର ଟେକି

ଟିକିଚଡ଼େଇ ରେ ଟିକିଚଡ଼େଇ

ଦେଉତୋର ନାଲି ଚଂଚୁ ବଢ଼େଇ

ଖାଉଥାଉ କେତେ ଫଳ,

ଗଛଳତା ବସି ସୋଇଯାଉ ହସି

ପିଉ ଝରଣାରୁ ଜଳ

ଟିକିଚଡ଼େଇରେ ଟିକିଚଡ଼େଇ

ଖିଚିରିମିଚିରି ସଙ୍ଗୀତ ଗାଇ

ବୁଲୁଥାଉ ବିଲବନ,

ପର ଆପଣାର ସରବେ ନିଜର

ନାଇଁଭୟ ଥାଉ ଧନ

ଟିକିଚଡ଼େଇରେ ଟିକିଚଡ଼େଇ

ମୋହ ମାୟା ସବୁ ଭାବ ଛଡ଼େଇ

ମନ୍ତର କି ତତେ ଜଣା,

ଶିଖାଇଦେ ମତେ ତୋ ପାଠରୁ ପଦେ

ନହୁଏ ଟି ବାଟବଣା