Library
Profile
ସମୟ ଅଟକେ ଦରଦୀ ମନରେ
ସମୟ ଅଟକେ ଦରଦୀ ମନରେ
1 min
166
ମୁଠାଏ ଆଶାକୁ ପଣତେ ସାଉଁଟି
କରିଛି ସୁଖର ଅପେକ୍ଷା,
ସମୟ ଶେଯରେ ପଡି ମୁଁ ରହିଛି
ମରଣ କରୁଛି ଉପେକ୍ଷା।
ଲହରିତ ହୁଏ ବିଦଗ୍ଧ ଯାତନା
ଚୁଲିରେ ଜଳଇ ସପନ,
ଅନ୍ତଃସତ୍ତ୍ବା ମୋର ହୃଦୟର କୋହ
ମୃଦୁ ମୃଦୁ କରେ ଦହନ।
ବେଳେ ମତୁଆଲା କୁହୁଡି ମଖା ସେ
ବସନ୍ତ ବିଭାର ଶ୍ଯାମଳ,
ଜୀବନ ଜଳଧି ଉର୍ମିଳା ଭାଙ୍ଗୁ
Advertisement
ଛି
କେବେ ସେ ଯାତନା କରାଳ।
ସମୟ ଅଟକେ ଦରଦୀ ମନରେ
ମଦମତ୍ତ ହୁଏ ଅତୀତ,
ଅନୁଭବୀ ସିନା ଅନୁଭୂତୀ ଜାଣେ
ଯନ୍ତ୍ରଣା ଜର୍ଜର ବିଗତ।
କଳରାବ ଦିଏ ଜୀବନ ଘଡିଟା
ଝଡି ଆସୁଥାଏ ଶେଫାଳି,
ଚୁନାଚୁନା ମାଣେ କୁଆଁରୀ ପିପାସା
ଚଇତି ଆକାଶ ବର୍ଣ୍ଣାଳି।
