Library
Profile
ସମ୍ପର୍କର ନଦୀ ତୀରେ
ସମ୍ପର୍କର ନଦୀ ତୀରେ
ପ୍ରକୃତି ଭରା ସରଳ ଜୀବନ
ମାନବ ଦେହେ ଉଚ୍ଛନ୍ନ
ସମ୍ପର୍କ ଏକ ଗଙ୍ଗଶିଉଳିର
ପତ୍ର ପରି ପ୍ରତିଦାନ
ସମ୍ପର୍କ ଏକ ସରସତା ର
ଚିହ୍ନେଇ ଦିଏ ମହାନ
ସୁତରାଂ ସମ୍ପର୍କର ନଦୀ ତୀରେ
ଗଙ୍ଗା ତଥା ତୁଳସୀ ଝରେ ।
ଯହିଁ ନାହିଁ ସମ୍ପର୍କର ଦଉଡ଼ି
କିବା ରହିବ ଉଚ୍ଛ୍ୱାସ
ସମ୍ପର୍କ ହିଁ ପୂର୍ଣ୍ଣକରେଟି କଉଡ଼ି
ମହତ ବିର୍ଯ୍ୟର ଦେଶ
ବୁଦ୍ଧି ତଥା ମହତ ଉଦ୍ଦେଶ୍ୟର
ଶୀର୍ଷେ ସମ୍ପର୍କ ହିଁ ସାର
ସୁତରାଂ ସମ୍ପର୍କର ଝରେ ।
ଅମଳିନ ସମ୍ପର୍କ ଥିଲେ ହସ୍ତେ
ଭୟ କିବା ଦୁରୁଜନେ
ସମ୍ପର୍କ ହିଁ ନବନିର୍ମାଣ କରେ
ତଡ଼ି ବିଷାଦର ପ୍ରାଣେ
ଧନ୍ୟ କୃଷ୍ଣ ସୁଦାମାଙ୍କ ସମ୍ପର୍କ
ଇତିହାସେ ବିଦ୍ୟମାନ
ସୁତରାଂ ସମ୍ପର୍କର ଝରେ ।
ଅମୃତର ସନ୍ତାନ ଏ ମାନବ
ବିଶ୍ଵାସେ ପାଏ ଅମୃତ
ସେ ଅମୃତର ଅଭାବେ ଦାନବ
ସର୍ବେ ହେଲେ ହନ୍ତସନ୍ତ
ଆହାଃ ରେ ମଣିଷ ସମ୍ବନ୍ଧ ଥିଲେ
କ୍ଲାନ୍ତିରୋଗ ଯାଏ ଭଲେ
ସୁତରାଂ ସମ୍ପର୍କର ଝରେ ।
ସମ୍ପର୍କ ହିଁ ମରଣ ମୁହଁରେ ଯେ
ଦେଇ ପାରେ ଗଙ୍ଗାଜଳ
ସମ୍ପର୍କ ବିନା ଜୀବନ ନିଃସ୍ଵ ଯେ
କିବା ଭୁଞ୍ଜିପାରେ ଫଳ
ମାତାପିତା ଭାଇଭଉଣୀ ସୁତା
ସର୍ବେ ସମ୍ପର୍କରେ ଦେଖା
ସୁତରାଂ ସମ୍ପର୍କର ଝରେ ।
ସମ୍ପର୍କକୁ ଛିନ୍ନ କରି ନ ପାରି
ଜଗନ୍ନାଥ ବଳରାମ
ବନ୍ଦୀ ଯେ ଗୁଣ୍ଡିଚା ସ୍ନେହଡୋରିରେ
ଆହାଃ ସେ ଦୃଶ୍ୟ ଦେଖରେ
ମାଆ ଆଖିରୁ ମମତାର ଲୁହ
ପୋଛିବା ପାଇଁ ସେ ବିଜେ
ସୁତରାଂ ସମ୍ପର୍କର ଝରେ ।
ସଂସାର ରୂପକ ବିଷ ଜ୍ଵାଳାରୁ
ରକ୍ଷା ପାଇବା ପାଇଁଟି
ଦୁଃଖି ରଙ୍କିଙ୍କ ସେବା ଓ କୀର୍ତ୍ତନ
ଉପାୟ ହିଁ ଉତ୍ତମଟି
ଏବେରୁ ଲାଗି ପଡରେ ମଣିଷ
ଧର୍ମନ୍ୟାୟ ସେବା ପାଇଁ
ସୁତରାଂ ସମ୍ପର୍କର ଝରେ ।
