ସୀତା ବିବାହ

ଜନକପୁରୀରେ ବାଜେ ମଙ୍ଗଳ ମହୁରୀ l

     ଶ୍ରୀରାମଙ୍କୁ ବରିଛନ୍ତି ସୀତୟା ସୁନ୍ଦରୀ ll

ଶ୍ରୁତକିର୍ତ୍ତି ମାଣ୍ଡବୀ ଉର୍ମିଳା ଭଗ୍ନୀମାନେ l 

      ବରିଛନ୍ତି ଶତ୍ରୁଘ୍ନଙ୍କୁ ଭରତେ, ଲକ୍ଷ୍ମଣେ ll

ବାଜଇ ଢୋଲ ଟମକ ଢ଼କ୍କା ଶଙ୍ଖ ତୂରୀ l

        ଆନନ୍ଦମୁଖର ସର୍ଵ ବିଦେହନଗରୀ ll

ଶ୍ରୀରାମ ଭାଙ୍ଗିଲେ ପଣ ଧନୁ ଶିବଙ୍କର l

        ସଂକଳ୍ପ ପୁରିଛି ରାଜର୍ଷି ଜନକଙ୍କର ll

ଉପସ୍ଥିତ ଛନ୍ତି କୁଳଗୁରୁ ଶ୍ରୀବଶିଷ୍ଠ l

        ଉପସ୍ଥିତ ଛନ୍ତି ମହାଋଷି ବିଶ୍ୱାମିତ୍ର ll

ଉପସ୍ଥିତ ଛନ୍ତି ମହାରାଜା ଦଶରଥ l

      ପାତ୍ର ମିତ୍ର ବନ୍ଧୁ ମହମନ୍ତ୍ରୀ ଶ୍ରୀସୂମନ୍ତ୍ର ll

କୃତକୃତ୍ୟ ଶ୍ରୀଜନକ ରାଣୀ ସୁନୟନା l

       ସତାନନ୍ଦ ଦଶରଥ ରାଜା ମହାମନା ll

ଅହୋଭାଗ୍ୟ କି ସୁନ୍ଦର ଗଢ଼ିଅଛି ବିଧି l

      ରଘୁକୁଳ ବିଦେହକୁ ବିବାହରେ ଛନ୍ଦି ll

ବେଦମନ୍ତ୍ର ଉଚ୍ଚାରଣ ପଡ଼େ ହୁଳହୁଳି l

  ସମୁଦୀ ହୁଅନ୍ତି ପ୍ରେମଭର କୋଳାକୋଳି ll

ସ୍ବସ୍ତିବାଚ କରି ମହାମୁନି କୋଉଶିକ l

   ବୋଲନ୍ତି ସୀତାଙ୍କୁ ଆଣ ରାଜନ ଜନକ ll

ଜୟ ସୀତା ରାମ ପଡ଼ିଗଲା ହସ୍ତଗଣ୍ଠି l

ଶ୍ରୀରାମ ସୀତାଙ୍କୁ ଧୀରେ କଣେଇ ଚାହାଁନ୍ତି ll

ଗଜ ଧେନୁ ଅଶ୍ଵ ସ୍ୱର୍ଣ୍ଣ ବହୁ ଦାନ ଦେଇ l

      ଜନକ କରନ୍ତି ଚାରି ପୂତ୍ରୀଙ୍କ ବିଦାୟୀ ll

ଅଶ୍ରୁପୂର୍ଣ୍ଣ ନେତ୍ରେ ମାଆ ରାଣୀ ସୁନୟନା l

     କୋଶଳପତିଙ୍କୁ ସମର୍ପିଲେ ଚାରି ସୁନା ll

ଜୟ ଶ୍ରୁତକୀର୍ତ୍ତି ଜୟ ମାଣ୍ଡବୀ ଉର୍ମିଳି l

       ଜୟ ଶତୃଘ୍ନ ଭରତ ଲକ୍ଷ୍ମଣ ମୈଥିଳି ll

ଜୟ ଶ୍ରୀରଘୁନାୟକ ଜୟ ମା ଭୂମିଜା l

    ଅବଧ ଫେରନ୍ତି ଦଶରଥ ବାଜେ ବାଜା ll