ଶୋଇଯା ମାମା

ରାତି ବଢ଼ିଲାଣି ପାରୁନୁକି ଜାଣି

  ଏବେ ତୁ ଶୋଇଯା ମାମା

ତୁ ଶୋଇଲା ପରେ ମୁଁ ପରା ଶୋଇବି

  ଅଝଟ କରନା ଜମା l

ରାତି ପାହିଗଲେ ଉଠିବି ସଅଳ

   ସାରିବି ବlସି ପାଇଟି

ଯଦି ନ ଶୋଇବୁ ଅଝଟ କରିବୁ

   ଆଣିବି ତୋ ପାଇଁ ଲାଠି l

କଥା ତୁ ମାନିଲେ ସୁନା ଝିଅ ହେବୁ

   ମନ ଜାଣି ଖୁଆଇବି

ବାପା ଆଣିଦେବେ କେତେ ଦରବ ଲୋ 

   ସବୁ ସାଇତି ରଖିବି l

କେତେ ଡାକିଲିଣି ନିଦ ମାଉସୀକୁ

   ତୋ ଆଖିରେ କରି ଘର

ଶୁଆଇ ଦେବ ସେ ନିତି ନିତି ଆସି

   ବୁଝି ଯିବ ମାମା ମୋର l

ପରୀ ରାଇଜର କାହାଣୀ କହିବି

   ଯେବେ ତୁ ପଡ଼ିବୁ ଶୋଇ

ପାଚିଲା ପିଜୁଳି ଗଛରୁ ତୋଳିବି

   ସୁନା ଝିଅ ମାମା ପାଇଁ l

ଧୀରେ ଧୀରେ ଆଖି ବୁଜି ଦବ ମାମା

   ମନ ଦେଇ କଥା ଶୁଣି

ସଅଳ ସଅଳ ଶେଯରୁ ଉଠିବ 

   ହେବ ସୁନା ଝିଅ ପୁଣି l