ରଙ୍ଗହୀନ

ଏ ମାଟିରେ ପାଦ ରଖୁ ରଖୁ

ଯାହା ଦେଖିଲି

ତମେ କ'ଣ ଦେଖି ପାରିଛ କି !

ଏ ବିଶାଳ ଭୂଖଣ୍ଡରେ

ଯାହା ଉପଲବ୍ଧି କଲି

ତମେ କି ପାରୁଛ ଜାଣି !

ସମୟକୁ ପଛରେ ପକେଇ

ଏଇତ ସବୁ ବଦଳି ଯାଇଛି ଚିତ୍ରପଟ୍ଟ

ନିଜ ହାତରେ ପରଖି ନେଇଛି

ନିଜ ଜୀବନକୁ ଜୀଇଁ

ପୁଣି କିଛି ସାଉଁଟିବା ଲୋଭରେ

କରୁଛି ଅଦଳବଦଳ.... ।

ଛାତିକୁ ପଥର କରି

ଖେଳୁଛି ପଶାଖେଳ

ନିଜ ଗୋଡରେ କୁରାଢି ମାରି

ରକ୍ତାକ୍ତ କଲାପରେ ଯାହା ମିଳେ

ସଫଳତା କି ବିଫଳତା

ନିଜ ପାଖେ ନିଜେ ଅଜଣା..।

ଏ ମାଟିରେ ସବୁ ଭିତରେ

ପ୍ରତିଛବି ଖୋଜୁ ଖୋଜୁ

ଜୀବନ ଯୋଉଠି ଫିକା ଫିକା

ରଙ୍ଗ ଥାଇ ବି ରଙ୍ଗହୀନ....!