ରାକ୍ଷୀ ରହିଥିବ ସାକ୍ଷୀ
ରାକ୍ଷୀ ରହିଥିବ ସାକ୍ଷୀ
ରାକ୍ଷୀ ରହିଥିବ ସାକ୍ଷୀ ଗୋ, ଦେଖ ଭାଇଭଉଣୀ
ପବିତ୍ର ସମ୍ପର୍କ ନିହିତ, ସଦା ଦିବାରଜନୀ ।
ନୁହେଁ ସୁତାଖଣ୍ଡ ରାକ୍ଷୀ ଯେ, ତାର ଅମୂଳମୂଳ
ଭକ୍ତିପ୍ରେମେ ବାନ୍ଧି ରଖେଟି, ସାରା ମଣିଷକୁଳ ।
ଜୀବନ ଜଞ୍ଜାଳ ସାଧନ,ଏହି ରକ୍ଷାକବଚ
ସାରା ଜଗତକୁ କରିଣ, ସଦା ଗୋଟିଏ ମଞ୍ଚ ।
ଶ୍ରାବଣ ପୂର୍ଣ୍ଣିମା ଦିବସେ, ଜନ୍ମି ଶ୍ରୀ ବଳଦେବ
ରାଷ୍ଟ୍ର ପାଳୁଛନ୍ତି ସକଳ, ଯିବେ ଦେଇ ବୈଭବ ।
କବି ଗଙ୍ଗାଧର ମେହେର, ଜନ୍ମି ଏହି ଦିବସେ
ବିଞ୍ଚିଲେ କବିତା ଅମୃତ, ହସ ମୁଖେ ହରଷେ ।
ଗାଈଗୋରୁ ବୃକ୍ଷଲତାଙ୍କୁ, ରାକ୍ଷୀ ବାନ୍ଧିଣ ସର୍ବେ
ଗହ୍ମା ପୁର୍ଣିମାର ସାର୍ଥକ, କରି ପୂର୍ଣ୍ଣ ଗୌରବେ ।
ଆମ ପରମ୍ପରା ସଂସ୍କୃତି, ଏହି ରାକ୍ଷୀପୂର୍ଣିମା
ରାକ୍ଷୀ ରହିଥିବ ସାକ୍ଷୀ ଗୋ, ଆମ କୁଳ ଚନ୍ଦ୍ରମା ।