ପଲ୍ଲୀକବି ନନ୍ଦକିଶୋର ବଳ
ପଲ୍ଲୀକବି ନନ୍ଦକିଶୋର ବଳ
ବରଷା ହେଉଛି ବତାସି ବହୁଛି
ପଡ଼ିଛି ନରମ ଖରା
ବିଲୁଆ ପୁଅର ବାହାଘର ଆଜି
ବାଜୁଛି ଯୋଡ଼ି ନାଗରା l
ସୂରୁଜ ଦେବତା ବୁଡ଼ି ଯାଉଛନ୍ତି ବୁଣି
ଡାହାଣିଆ ଖରା
ଆହା କି ସୁନ୍ଦର ଉଡ଼ି ଯାଉଛନ୍ତି
ଆକାଶରେ ଯୋଡ଼ି ପାରା l
ଉଞ୍ଚ ପରବତ କୁଞ୍ଚି କୁଞ୍ଚିକା ଲୋ
କଇଞ୍ଚି କାକୁଡ଼ି ପିତା
ଷାଠିଏ ଟଙ୍କାର ବଳଦ ମଲା ଛ
ବୋହୁଙ୍କ ଛଅ ଦୁହିତା l
ଟୁପୁରୁ ଟାପୁରୁ ମେଘ ବରଷିଲା
କାଙ୍କଣ ମାରିଲା ଗଜା
କେଉଁ ରାଇଜରୁ ଅଇଲେ ରଜା ଲୋ
ମହୁରୀ ଟମକ ବଜା l
ରାତି ହୋଇଲାଣି ଶୁଅ ଧନମଣି
ଧୋଓରେ ବାଇଆ ଧୋଓ
କିଆ ବୁଦାମୂଳେ ବିଲୁଆ ଡାକିଲେ
ହୁକେ ହୋ ହୁକେ ହୋ l
ତାଳ ବାହୁଙ୍ଗାରେ ବାଇଆ ବସାଲୋ
ବତାସରେ ଝୁଲୁ ଥାଇ
ବୟା ଵାୟାବଧୂ ଦୋଳି ଖେଳୁଛନ୍ତି
କିଛି ଯାଏ ଆସେ ନାହିଁ l
କୁଁ କୁଁ କୁଁ କେନ୍ଦରା ବାଜୁଛି ଭିକ
ମାଗୁ ଅଛି ନାଥ
ନୀଳାଦ୍ରୀ ଶିଖରେ କଳିର ଠାକୁର
ବିଜେ ପ୍ରଭୁ ଜଗନ୍ନାଥ l
ପଲ୍ଲୀର ବାରତା ପଲ୍ଲୀ ବଲ୍ଲି କଥା
ରଚି ଗ୍ରାମ୍ୟ ଗୀତ ଛନ୍ଦ
କେଡ଼େ ଛନ୍ଦ ଜାଣେ କିଶୋର ନନ୍ଦ ଲୋ
ଗୀତରେ ବନ୍ଦେ ଗୋବିନ୍ଦ l
ଜନମ ଦିନରେ ଘେନ ଶ୍ରଦ୍ଧାଞ୍ଜଳି ବଳେ
ହେ ନନ୍ଦ କିଶୋର
ପଲ୍ଲୀ କବି ତୁମେ ମଲ୍ଲି ଫୁଲ ପରି
ଭରିଛ ବାଣୀ ଭଣ୍ଡାର l
ସାହିତ୍ୟ ଆକାଶେ ଧ୍ରୁବ ତାରା ବାବୁ
ଉତ୍କଳର ଯୋଗ୍ୟ ସୁତ
ପଲ୍ଲୀ ଚିତ୍ର ଆମ ମାନସ ପଟରୁ
ହୋଇବ ନାହିଁ ବିସ୍ମୃତ ।