ଲାଇବ୍ରେରୀ
ପ୍ରୋଫାଇଲ୍
ନୀରବତା
ନୀରବତା
1 min
14.2K
ତୁମ ନୀରବତା ଉତ୍ତର ସାଜି ମୋ
କାନେ କହିଦେଇ ଯାଏ
ପାଗଳିନୀ ନଦୀ ଦିଗହରା ନୁଁହେ
ସାଗରକୁ ଭଲ ପାଏ ||
ମୁଁ ବି ଜଳୁଛି ତୁମେ ବି ଜଳୁଛ
ମନ୍ଦିରରେ ଦୀପ ଜଳେ
ଜାଳିବାଟା ଯଦି ପ୍ରେମର ନିୟମ
ଜଳୁଥିବା ତିଳେ ତିଳେ ||
ଗଲାବେଳେ ତୁମେ କହିଥିଲ ମୋତେ
ଚାହିଁବନି କେବେ ଫେରି
ସେଥିପାଇଁ ବୋଧେ କଳାମେଘ ଦେଖି
ମୟୁର ନାଚିବା ଡେରି ||
ନ ନାଚୁ ମୟୁର ନ ଗାଉ କୋଇଲି
ଫେରିଆସ ପ୍ରିୟା ତୁମେ
ଭିଜି ବିତେଇବା ପ୍ରତିଟି ମୁହୂର୍ତ୍ତ
ବିନା ଶ୍ରାବଣରେ ଆମେ ||
-------
ଦିପ୍ତିରଞ୍ଜନ ବେହେରା
(ବେଣ୍ଟପଦା, ଆଠଗଡ, କଟକ, Email: diptiranjan_behera@yahoo.com)
