Library
ନିଃଶବ୍ଦ
ନିଃଶବ୍ଦ
1 min
112
ଯେତେ ସବୁ ଉଡାଣ ଭରୁଥିବା ପକ୍ଷମାନେ
ଲାଗନ୍ତି ଅସହାୟ
ଅବସାଦଗ୍ରସ୍ତ
ଥୁଣ୍ଟା ଶିମୁଳି ଶାଖାରେ
ଦୀକ୍ଷା ନେଇ ଅବା ବାନପ୍ରସ୍ଥ ।
ପ୍ରଲମ୍ବିତ ଛାୟାମାନେ
ଲମ୍ବିଯାନ୍ତି ଦିଗ୍ ବଳୟ ପ୍ରାନ୍ତେ
ସତେ ଅବା ଭୂମି- ଶଯ୍ୟା ଛାଡିବାର
ମୋହତ୍ୟାଗ ଅସମ୍ଭବ ସେମାନଙ୍କ ପାଇଁ ।
ଭକ୍ଷକ ନିର୍ମୋକ ସବୁ
କ୍ଷୁଧାହୀନ, ଉପବାସୀ, ବୁଭୂକ୍ଷା ରହିତ
ଛଞ୍ଚାଣ ର ପୃଷ୍ଠଦେଶେ ଉପବିଷ୍ଟ
ଗାନମତ୍ତ ନିରୀହ କପୋତ ।
ନିଃଶବ୍ଦ ଏ ଇଲାକାରେ
ତାପଗ୍ରସ୍ତ, ଚାପଗ୍ରସ୍ତ, ଉନ୍ନତ ମସ୍ତକ।
