ମାଁ

ମାଆର ପଣତ ଶ୍ରୀମନ୍ଦିର ନେତ 

ସ୍ନେହ ମମତାର ଘର

ବିପଦେ ଆପେଦେ ରକ୍ଷା କବଚ଼ ସେ

କରେ ନାହିଁ କେବେ ପର ।।

ଦଶମାସ ଦଶଦିନ ଗ6ର୍ଭ ଧରି

ଜନମ ଦେଇଛି ସିଏ ।

ତାହାଠାରୁ ବଳି ଏହି ସଂସାରରେ

କୁହ ଭାଇ ଅଛିି କିଏ ?

ମାଆର ପରଶେ ଦୁଃଖ ଶୋକ ସବୁ

କ୍ଷଣକେ ଯାଏ ଉଭେଇ

ତାହାରି ଆଶିଷେ କଠିନ କାମବି

ଯାଏତ ସରଳ ହୋଇ ।

କରୁଣାମୟୀ ସେ ଦୟା ସାଗର

ତା ପାଦେ ସରଗ ସୁଖ

ମାଆ ହାତ ଧରି ବାଟ ଚାଲୁଥିଲେ

ଦୂରତା ବି ହୁଏ ପାଖ ।

ମାଆ ଶବଦଟି ଅମୃତ ସମାନ

ସେ ନାମରେ ଅଛି ଜୟ

ମାଆ ନାମ ସ୍ମରି ମାତୃ ସେବା କଲେ

ଦୁର ହୁଏ ପାପ ଭୟ ।

ମାଆ ଠାରୁ ବଳି ଏତିନି ଭୁବନେ

ଅଛିକି ଆମର ଜ୍ୟୋତି

ଗୋଟିଏ ହୃଦ୍6ୟ ଏକା ସାଙ୍ଗରେ

ସତ୍ୟ, ଶାନ୍ତି ମୈତ୍ରୀ ପ୍ରୀତି ।