Library
Maa
Maa
1 min
7.0K
କିଏ ଅଛି ମୋର ତୁମପରି ମାଆ,
ଜଗତ ମରୁ ସଂସାରେ ।
ଆସ ଅବତାରି ଏ ଧରାଧାମକୁ,
ସ୍ମରି ସ୍ମରଣରେ ଝୁରେ ।।(୧)
ତୁମେ ଆଦିଶକ୍ତିଦେବୀ କାତ୍ୟାୟନୀ,
ସ୍ନେହମୟୀ ଦିବ୍ୟରୂପା ।
ତୁମେ କାଳେଶ୍ଵରୀ ଦୁଃଖ ବିନାଶିନୀ,
ସଭିଙ୍କ ହୃଦୟେ ଛପା ।।(୨)
ମଙ୍ଗଳକାରିଣୀ ଦୈତ୍ୟ ସଂହାରିଣୀ,
ଦୀପ୍ତ ପ୍ରଜ୍ଜ୍ଵଳିତ ଶିଖା ।
ଶୁଭସୁମନରେ ବ୍ୟାକୁଳ ହାରିଣୀ,
ସୌଭାଗ୍ୟ ସିନ୍ଦୁରେ ଲେଖା ।।(୩)
ଆଞ୍ଚଳରେ ମାଆ ଘୋଡାଇ ରଖିବ,
ଏ ନନ୍ଦିନୀ ଆତ୍ମ ବ୍ୟଥା ।
ପଦରେଣୁ ଧାରେ ପଡ଼ି ରହି ଥିବ,
ବିନମ୍ର ବିନତି ଗାଥା ।।(୪)
ଯେବେ ଫେରିଯିବି ମରତ ମଣ୍ଡଳୁ,
ଦେଇ ପୂଣ୍ୟଲିପି କିଛି ।
ସ୍ମୃତିରେ ସ୍ଵଜନ ଚେତନା କଅଁଳୁ,
ପ୍ରସ୍ଫୁଟିତ ସ୍ମୃତି ବାଛି ।।(୫)
ଦୟାମୟୀ ମା ଗୋ ତୁମରି ଶରଣେ,
ରଚନାରେ କବିପ୍ରାଣ ।
ଆତ୍ମସନ୍ତୁଷ୍ଟିର ଭାବନା ପ୍ରବଣେ,
ଲେଖନୀରେ ପରିତ୍ରାଣ ।।(୬)
