କରୋନା ଗଛ

ଭାରି ଅଦ୍ଭୁତ ଏ କରୋନା ଗଛ

ଭାବିବେନି କେହି ଏହାକୁ ମିଛ ।

ଚାଇନା ଦେଶରେ ଅଛିତା ମୂଳ

ବିଶ୍ୱସାରା ମେଲି ଦେଇଛି ଡାଳ ।

ଲୋଡ଼ାନାହିଁ ତାକୁ ଖରା କି ଜଳ

ପରଭୋଜୀ ପରି ବଢ଼ାଏ ବଳ ।

ମଣିଷ ମଣିଷ ଦେହରେ ମାଡ଼େ

ଯେତେ ଛିଙ୍କ କାଶ ସେତେସେ ବଢେ ।

ଫୁଲ ଫୁଟେନାହିଁ ଫଳ ପ୍ରବଳ

ମାସ୍କ ଦେଖିଲେ ହୁଏ ଦୁର୍ବଳ  ।

ଗୋଟିଏ ମଞ୍ଜିରେ ହଜାରେ ଚାରା

ଖାଲି ଆଖିରେ ସେ ଦିଏନି ଧାରା ।

ଅଦୃଶ୍ୟ ଅପୂର୍ବ ଗଛଟି ସିଏ 

ମଉକା ମିଳିଲେ କବଳେ ନିଏ ।

ମାନେନାହିଁ ସିଏ ଗରିବ ଧନୀ

ମାନେନାହିଁ ଜ୍ଞାନୀ ଗୁଣି ଓ ମାନି ।

ଭିଡ଼ଜାଗାଦେଖି ହୁଏ ସେ ଖୁସି

ମଣିଷ ଦେହରେ ଯାଏ ସେ ପଶି ।

ସାନିଟାଇଜର ଦେଖେ ଯେଉଁଠି

ଆଗକୁ ନବଢି ମରେ ସେଇଠି ।