କଲମ

କଲମ ଆମର ଉପକାରୀ କେତେ

ଏତେ ବଡ଼ ଦୁନିଆରେ

ଛୋଟ ଠାରୁ ବଡ ସଭିଙ୍କ ପାଖରେ

ଥାଏ ପ୍ରତି ମୁହୂର୍ତ୍ତରେ ।

ହାତ ପାହନ୍ତରେ ସବୁବେଳେ ଥାଏ

ନିତି ଆମ ଗହଣରେ

ଜୀବନ ଲଗାଏ ସୁପଥ ଦେଖାଏ

ଲାଗେ ସଭିଙ୍କ ସେବାରେ ।

ଜୀବନ ଦାନାର ଆଶୀର୍ବାଦ ବାଣୀ

ଲେଖି ଦିଏ ସାଧୁ ପାଇଁ

ଦୋଷୀ ପାଇଁ ଲେଖେ ଫାଶୀର ଆଦେଶ

ବିଚାରକ ହାତେ ଥାଇ ।

ଝରଣାର ଧାରା ନିମ୍ନଗାମୀ ସଦା

ରଖିପାରେ ନାହିଁ ନର

ଛିନ୍ନ ଅସମ୍ଭବ ମନର ଭାବନା

ଅଟଳ କଲମ ଗାର ।

ଗୀତ କବିତାର ଗୁନ୍ଥି ଦିଏ ମାଳ।

ଧଳା କାଗଜର ଦେହେ

କବି ଲେଖକର ଅସ୍ତ୍ର ହୋଇ ସଦା

ସତ୍ୟର ବାଣୀକୁ କହେ ।