ଲାଇବ୍ରେରୀ
ପ୍ରୋଫାଇଲ୍
ଖୋଲା ଖୋଲା ନୀଳ ଆକାଶ ତଳେ.....
ଖୋଲା ଖୋଲା ନୀଳ ଆକାଶ ତଳେ.....
1 min
203
ବାଇଚଢେଇ ସାଜି ତିଆରିକରନ୍ତି କି
ମୋ ପାଇଁ ଝୁଲଣ ପରି ବସାଟିଏ,ତାଳଗଛର ଡାଳେ
ଖୋଲା ଖୋଲା ନୀଳ ଆକାଶ ତଳେ.............।।
ପ୍ରଜାପତି ହୋଇ ବସି ଯାଆନ୍ତି କି
ହିମଗିରି ପରି ଦେଖାଯାଉଥିବା କାଶତଣ୍ଡିର ଫୁଲେ
ଖୋଲା ଖୋଲା ନୀଳ ଆକାଶ ତଳେ.............।।
କଇଁ ଟିଏ ହୋଇ ଫୁଟି ଯାଆନ୍ତି କି
ଝଲଝଲ ହୋଇ ଝଲସୁ ଥିବା ପୁଷ୍କରିଣୀର ଜଳେ
ଖୋଲା ଖୋଲା ନୀଳ ଆକାଶ ତଳେ.............।।
ମୀନ ଟିଏ ହୋଇ ଚାଲି ଯାଆନ୍ତି କି
ନାଚି ନାଚିକା ଝରଣାର ସଂଗୀତର ତାଳେତାଳେ
ଖୋଲା ଖୋଲା ନୀଳ ଆକାଶ ତଳେ............।।
ଶିଶୁ ଟିଏ ହୋଇ ଶୋଇ ଯାଆନ୍ତି କି
ଜହ୍ନ ମାମୁଁଙ୍କୁ ଦେଖିଦେଖି ମୋ ମାଆଙ୍କର କୋଳେ
ଖୋଲା ଖୋଲା ନୀଳ ଆକାଶ ତଳେ............।।
ଖୋଲା ଖୋଲା ନୀଳ ଆକାଶ ତଳେ............।।
