ଲାଇବ୍ରେରୀ
ପ୍ରୋଫାଇଲ୍
ଜହ୍ନର ଜାଗର
ଜହ୍ନର ଜାଗର
1 min
238
ହାତ ଗଣତି ନିଃଶ୍ୱାସ ପ୍ରଶ୍ୱାସର ବଂଧନୀ ଭିତରେ
ସନ୍ତାପିତ ବିନ୍ଦୁଏ ଜୀବନ
ଆଖିଏ ଆପଣାପଣ ଆଞ୍ଜୁଳେ ଅନୁରାଗରେ
ଲେଖାଯାଏ ସଂପର୍କର ସୂକ୍ଷ୍ମ ସଂବିଧାନ
ଦେବା ନେବାର ଗଣିତ ଖାତା କ'ଣ ଦର୍କାର
କ'ଣ ଦର୍କାର ନିତି ସେଇ ପୁରୁଣା ମିଶାଣ ଫେଡ଼ାଣ?
ଜୀବନ ତ ପ୍ରତି ମୁହୂର୍ତ୍ତରେ ଆରମ୍ଭ ହୁଏ
ଆଉ ପର ମୁହୂର୍ତ୍ତରେ ସରି ବି ଯାଉଥାଏ
କେତେ ଆଉ ଆୟ ବ୍ୟୟର ହିସାବ କରିବା
ଏବେ ଚାଲ ନିସର୍ତ୍ତରେ ସଭିଙ୍କୁ ଭଲ ପାଇବା
ଟିକିଏ ଦୁର୍ଲ୍ଲଭ ସଂପର୍କ ପାଇଁ
କେତେ ଆଉ ମୂଲଚାଲ କରୁଥିବା?
କେତେ ଆଉ ରଖୁଥିବା ସର୍ତ୍ତ ପରେ ସର୍ତ୍ତ
ପ୍ରତାରଣାର ପାଣିଚିଆ ହସରେ
କାହିଁକି ଯେ ନିଜେ ପୁଣି ନିଜକୁ ଠକିବା?
