ଗଣିତ ପୁରାଣ
ଗଣିତ ପୁରାଣ
1 min
145
ଜୟ ହେ ଗଣିତ ଜୟ ହେ ଜ୍ୟାମିତି
ଜୟ ଜୟ ପରିମିତି ।
ଜୟ ତୁ ଅଙ୍କନ ଜୟ ଉପପାଦ୍ୟ
ଜୟ ହେ ତ୍ରିକୋଣମିତି ।।
ତୋହରି ଆଶିଷେ କେତେ କେତେ ଜନ
ହୋଇଗଲେ ମହାଜ୍ଞାନୀ ।
ତତେ ଆଶ୍ରା କରି ହିସାବ କରଇ
ଆମ ଗାଁ ବରା ଦୋକାନୀ ।।
ମିଶାଣ ଫେଡ଼ାଣ ଗୁଣନ ହରଣ
ଚାରୋଟି ପ୍ରକ୍ରିୟା ନେଇ ।
ପିଲା ଠାରୁ ବୁଢା ତତେ ଆଦରିଲେ
ଧନ୍ଯ ତୋ ମହିମା ସେହି ।।
ଜୟ ହେ ଭଗ୍ନାଂଶ ଜୟ ଦଶମିକ
ଜୟ ଜୟ ଅନୁପାତ ।
ତୁଳନା ନିମନ୍ତେ ଲୋଡା ହୁଏ ପୁଣି
ନାମ ତୋ ସମାନୁପାତ ।।
ସବୁଠୁ ସୁନ୍ଦର ଗଣିତ ପାଠଟି
ବୁଝିଗଲେ ଲାଗେ ମଜା ।
ବୁଝି ନ ପାରିଲେ ଭାରି କଷ୍ଟ ଲାଗେ
ଘୂରିଯିବ ତୁମ ଭେଜା ।।
କହୁଥିଲେ ଏହି ଗଣିତ ପୁରାଣ
କେବେ ହେଲେ ସରିବନି ।
ଲେଖୁଥିଲେ ଏକ ଗ୍ରନ୍ଥ ହୋଇଯିବ
ଦୋଷ ମୋର ଧରିବନି ।।